श्वेत गंगा हाइड्रोपावर एण्ड कन्सट्रक्सन् लिमिटेडले चालु आर्थिक वर्ष २०८१/८२ को तेस्रो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनी नाफामा गएको छ ।
यस अवधिमा कम्पनीले ६ करोड ८० लाख खुद नाफा कमाएको छ। अघिल्लो आर्थिक वर्षको यसै अवधिमा कम्पनी ८ करोड २८ लाख घाटामा थियो।
यस अवधिमा कम्पनीको विद्युत बिक्रीको आम्दानी ५९ करोड ७६ लाखबाट बढेर ६५ करोड ७६ लाख पुगेको छ। विद्युत बिक्रीको आम्दानी बढ्नुको साथै ब्याज खर्च घटेपछि कम्पनी नाफामा गएको देखिन्छ । यस अवधिमा कम्पनीको ब्याज खर्च ४२ करोड ३२ लाखबाट घटेर ३२ करोड १८ लाखमा सिमित भएको छ।
१ अर्ब ५९ करोड चुक्ता पुंजी रहेको कम्पनीको रिजर्भमा २१ लाख ७७ हजार रुपैयाँ रहेको छ। यस अवधिमा कम्पनीको प्रति शेयर आम्दानी ४ रुपैयाँ २७ पैसा रहेको छ भने प्रति शेयर नेटवर्थ ७६ रुपैयाँ ४९ पैसा रहेको छ।
