साताको पहिलो दिन आज आइतबार शेयर बजार परिसूचक नेप्से घटेको छ । आज नेप्से सूचक ९.९९ अंकले घटेर २७३८.०६ को बिन्दुमा पुगेर रोकिएको छ।
आज कारोबारमा आएका ३१४ कम्पनीका १ करोड ६७ लाख ६७ हजार १ सय ६८ कित्ता शेयर खरिद बिक्रीबाट ८ अर्ब ८३ करोड २२ लाख २५ हजार ८ सय ९२ रुपैयाँ ८२ पैसाको कारोबार भएको छ। जस मध्ये एक्सेल डेभलपमेन्ट बैंककोस अर्वाधिक ३४ करोड ३१ लाखको कारोबार भएको छ भने एनआरएन इन्फ्रास्ट्रकचर एण्ड डेभलपमेन्टको २८ करोड ९० लाखको कारोबार भएको छ।
आज कारोबारमा आएका मध्ये विशाल बजार कम्पनी, कर्पोरेट डेभलपमेन्ट बैंक, सिन्धु विकास बैंक, ग्रिन डेभलपमेन्ट बैंक, र सप्तकोशी डेभलपमेन्ट बैंकको शेयर मूल्य १० प्रतिशतले बढेको छ। आज जानकी फाइनान्सको शेयर मूल्य सर्वाधिक १० प्रतिशत घटेको छ भने नेपाल फाइनान्सको शेयर मूल्य ९.१५ प्रतिशत घटेको छ ।
आज कारोबारमा आएका समूहगत सूचक मध्ये विकास बैंक, होटेल र ट्रेडिङ समूह बाहेक सबै समूहगत सूचक घटेका छन् । आज ट्रेडिङ समूह ९.०७ प्रतिशतले बढेको छ भने विकास बैंक समूह ४.५२ प्रतिशत बढेको छ। आज फाईनान्स समूह सर्वाधिक २.९६ प्रतिशत घटेको छ।
