नेपाल स्टक एक्सचेन्ज नेप्सेमा सिईडीबी हाइड्रोपावर कम्पनीको शेयर इन्भेष्टमेन्ट समूहमा सूचीकृत छ । सो समूहमा रहेका कम्पनी मध्ये सिईडीबीको शेयर मूल्य दोस्रो उच्च रहेको छ।
यो समाचार तयार पार्दा कम्पनीको शेयर मूल्य १६६९ रुपैयाँ छ भने पछिल्लो ५२ हप्ताको अवधिमा कम्पनीको शेयर मूल्य २३७० रुपैयाँसम्म पुगेको थियो ।
सिईडीबीमा विभिन्न बैंक, फाइनान्स, र बीमा कम्पनीहरुले पनि शेयर लगानी गरेका छन् । जस मध्ये एनएमबी बैंकसँग सिईडीबीको १ लाख ३३ हजार ८० दशमलव १२ कित्ता शेयर छ । त्यस्तै लक्ष्मी सनराइज बैंकसँग सिईडीबीको ४९ हजार ४ सय २ दशमलव ७७ कित्ता शेयर छ। त्यस्तै गरिमा विकास बैंकसँग सिईडीबीको २४ हजार ४४ कित्ता तथा सानिमा जीआईसी इन्स्योरेन्ससँग २० हजार ६ सय २ कित्ता शेयर छ । कतिपय बैंक तथा वित्तीय संस्थाको भने १ भन्दा बढी डिम्याट खातामा कम्पनीको शेयर देखिएको छ ।
नेप्सेमा सिईडीबीको कुल १ करोड ३ लाख ४२ हजार ३ सय ७१ कित्ता शेयर सूचीकृत छ । सिईडीबीले निष्काशन गरेको आईपीओ २०७८ वैशाख ३१ गते बाँडफाँड भएको थियो । कम्पनीको शेयरको लकइन अवधि २०८१ बैशाख ३० बाट सकिएको छ। अर्थात् अब कम्पनीको सबै शेयर साधारण शेयर सरह कारोबार हुन सक्छन् । सिईडीबी एक इन्भेष्टमेन्ट कम्पनी हो , जसले विभिन्न जलविद्युत आयोजनामा शेयर तथा ऋण लगानी गर्ने गरेको छ।
हेर्नुस् २०८१ कार्तिक ११ सम्म कायम शेयरधनीको विवरण अनुसार कुन बैंक, विकास बैंक, फाइनान्स तथा बीमासँग कति छ सिईडीबीको शेयर ?
