अर्को साता ३ दिन मात्र शेयर कारोबार हुने भएको छ। सातामा ५ दिन शेयर कारोबार हुने गरेकोमा अर्को साता २ दिन सार्वजनिक विदा परेपछि शेयर बजार ३ दिन मात्र खुला रहने भएको हो ।
अर्को साता भदौ ३० गते आइतबार र भदौ ३१ गते सोमबार शेयर कारोबार हुने छ। असोज १ गते मंगलबार इन्द्र जात्रा परेको छ। इन्द्र जात्रामा काठमाडौँ उपत्यकामा सार्वजनिक विदा हुने गर्दछ । काठमाडौँमा सार्वजनिक विदा हुँदा शेयर बजार पनि बन्द रहन्छ । सोहि कारण असोज १ गते शेयर कारोबार हुने छैन ।
असोज २ गते बुधबार शेयर कारोबार हुने छ । असोज ३ गते बिहीबार संविधान दिवस अर्थात् राष्ट्रिय दिवस रहेकोले सो दिन सार्वजनिक विदा रहेको छ । यस हिसाबमा अर्को साता आइतबार, सोमबार, र बुधबार मात्र शेयर कारोबार हुने छ ।
असोज महिनामा दशैँ समेत परेकोले यो महिना १६ दिन मात्र शेयर कारोबार हुने छ ।
