साताको अन्तिम दिन आज बिहीबार शेयर बजार परिसूचक नेप्से दोहोरो अंकले घटेको छ। आज नेप्से सूचक १२.१० अंकले घटेर २७२७.३६ को बिन्दुमा पुगेर रोकिएको छ।
आज कारोबारमा आएका ३१६ कम्पनीका २ करोड १ लाख ५३ हजार ९ सय ९३ कित्ता शेयर खरिद बिक्रीबाट ९ अर्ब ६५ करोड १५ लाख १३ हजार २ सय ४६ रुपैयाँ ३१ पैसाको कारोबार भएको छ। जस मध्ये नेपाल फाइनान्सको सर्वाधिक ४० करोड ५० लाखको कारोबार भएको छ भने एनएलजी इन्स्योरेन्सको ३४ करोड २२ लाखको कारोबार भएको छ।
आज कारोबारमा आएका मध्ये आत्मनिर्भर लघुवित्तको शेयर मूल्य सर्वाधिक १० प्रतिशत बढेको छ भने युनिक नेपाल लघुवित्तको शेयर मूल्य ९.१४ प्रतिशत बढेको छ। त्यस्तै नेष्डो समृद्द लघुवित्तको शेयर मूल्य ८.४३ प्रतिशत तथा अपर हेवाखोला हाइड्रोको शेयर मूल्य ७.९२ प्रतिशत बढेको छ।
आज नेपाल फाइनान्सको शेयर मूल्य सर्वाधिक ८.९१ प्रतिशत घटेको छ भने बिन्धवासिनी हाइड्रोको शेयर मूल्य ५.७७ प्रतिशत घटेको छ।
आज कारोबारमा आएका समूहगत सूचक मध्ये लघुवित्त र ट्रेडिङ समूह मात्र बढेका छन् । आज लघुवित्त समूह सर्वाधिक १.६८ प्रतिशत बढेको छ। आज इन्भेष्टमेन्ट समूह १.३६ प्रतिशत घटेको छ।
