नेपाल धितोपत्र बोर्डको संचालक समितिबाट नेपाल उद्योग वाणिज्य महासंघ (एफएनसीसीआई ) र नेपाल चार्टर्ड एकाउन्टेन्स संस्था (एक्यान) को प्रतिनिधि हटाईने भएको छ। अर्थ मन्त्रालयले संसदमा दर्ता गरेको धितोपत्र सम्बन्धी (पहिलो संशोधन) विधेयक, २०८१ मा यस्तो व्यवस्था प्रस्ताव गरिएको छ।
स्वार्थ बाझिन सक्ने अवस्थालाई न्यूनीकरण गर्न यी संस्थाका प्रतिनिधि धितोपत्र बोर्डको संचालक समितिमा नरहने व्यवस्था गरिन लागिएको अर्थ मन्त्रालयले जनाएको छ । हाल यी दुवै संस्थाले धितोपत्र बोर्डको संचालक समितिमा एक एक जना प्रतिनिधि पठाउने गरेका छन् ।
त्यस्तै विधेयकमा बोर्डको संचालक समितिमा रहने स्वतन्त्र संचालकको अनुभव ७ वर्षबाट बढाएर १० वर्ष पुर्याउन प्रस्ताव गरिएको छ ।
