नेपाल स्टक एक्सचेन्ज नेप्सेले लाभ वितरण गर्दा प्रष्ट जानकारी प्रदान गर्न सम्पूर्ण सूचीकृत कम्पनीहरुलाई निर्देशन दिएको छ। धितोपत्र निष्कासन गर्ने निकायहरुले आफ्ना धितोपत्रधनीहरुलाई प्रदान गर्ने लाभ (लाभांश, ब्याज लगायत) वितरण सम्बन्धी जानकारी Email, SMS लगायत माध्यमबाट प्रदान गर्न नेप्सेले निर्देशन दिएको हो ।
यसरी जानकारी दिँदा म्यूचुअल फण्डको एकाई तथा साधारण शेयर भए स्टक सिम्बोल, आर्थिक वर्ष, र लाभांश दर प्रतिशत समेत उल्लेख गर्नु पर्ने छ । त्यस्तै ऋणपत्र वा डिवेञ्चर भए स्टक सिम्बोल, आर्थिक वर्ष र ब्याज दर प्रतिशत उल्लेख गर्नु पर्ने छ ।
नेप्सेले सबै सूचीकृत कम्पनी र शेयर रजिष्ट्रारहरुलाई आज शुक्रबार यस समबन्धि निर्देशन दिएको हो ।
