ब्रोकर नम्बर २० अर्थात् सिप्ला सेक्युरिटिजमा आवद्द शेयर लगानीकर्ताले ३ दिन शेयर खरिद बिक्री गर्न नपाउने भएका छन्। नेप्सेले कम्पनीलाई ३ दिनको लागि निलम्बन गरेसंगै सो ब्रोकरमा आवद्द लगानीकर्ताले ३ दिनको लागि शेयर कारोबार गर्न नपाउने भएका हुन् ।
ब्रोकरले तोकिएको समयावधि भित्र राफसाफ तथा फछ्यौट कार्य नगरेको भन्दै सिडिएस एण्ड क्लियरिङ्ग लिमिटेडले ब्रोकरलाई ३ कार्य दिनको लागि कारोबार गराउनबाट वञ्चित गर्न नेप्सेलाई सिफारिस गरेको थियो।
सोहि बमोजिम नेप्सेले धितोपत्र कारोबार सञ्चालन विनियमावली, २०७५ को विनियम २२ को उपविनियम १ (छ) बमोजिम ब्रोकरलाई असार २३ गतेबाट लागु हुने गरि ३ कार्य दिनका लागि कारोबार गर्न नपाउने गरी निलम्बन गरेको हो।
