सयपत्री हाइड्रोपावर लिमिटेडको २२ लाख कित्ता बढी शेयरको लकइन अवधि २०८२ साउन २३ गते समाप्त हुने भएको छ ।
कम्पनीको संस्थापकले धारण गरेको २१ लाख कित्ता , आयोजना प्रभावित स्थानीयको नाममा रहेको १ लाख ७८ हजार ९ सय ४० कित्ता र कम्पनीका कर्मचारीसँग रहेको १४ हजार ४ सय २१ कित्ता गरि कुल २२ लाख ९३ हजार ३ सय ६१ कित्ता शेयरको लकइन अवधि खुल्न लागेको हो ।
सार्वजनिक निष्काशन गरि शेयर बाँडफांड गरेको ३ वर्षसम्म कम्पनीको संस्थापक, र कम्पनीका कर्मचारीले शेयर बिक्री गर्न नपाइने गरि लकइनमा राख्नु पर्ने व्यवस्था छ । लकइन अवधि खुलेपछि भने संस्थापक, र कर्मचारीले ति शेयर बिक्री गर्न सक्ने छन् । कम्पनीका संचालकले भने शेयर बिक्री गर्न पाउने छैनन् ।
