सान्भी इनर्जी लिमिटेडले निष्काशन गरेको शेयर डिम्याट खातामा आयेको छ । शेयर परेका लगानीकर्ताको डिम्याट खातामा हिजो बुधबार शेयर आएको हो।
शेयर डिम्याट खातामा आएसंगै अब यी शेयर नेपाल स्टक एक्सचेन्ज नेप्सेमा सूचीकृत हुने छ। नेप्सेमा शेयर सूचीकृत भएको भोलिपल्टबाट शेयर कारोबार गर्न सकिने छ। कम्पनीको SANVI सिम्बलबाट कारोबार हुने छ ।
बिक्री प्रवन्धक एसबीआई मर्चेन्ट बैंकिङले गत जेठ २६ गते सोमबार दिउँसो ३ बजे शेयर बाँडफाँड गरेको थियो। जसमा २ लाख ४१ हजार ५ सय ३० जना आवेदकले १० कित्ताको दरले शेयर पाएका थिए।
कम्पनीले इलामको सूर्योदय नगरपालिकास्थित जोगमई खोलामा ७.६ मेगावाटको आयोजना निर्माण सम्पन्न गरि सञ्चालन गरिरहेको छ । १ अर्ब ५७ करोड २९ लाख रुपैयाँ लागतमा तयार भएको आयोजनाको प्रतिमेगावाट लागत २० करोड ६९ लाख रुपैयाँ छ । साथै कम्पनीले ५.२ मेगावाटको जोगमइ क्यासकेड जलविद्युत् आयोजना अन्तिम चरणमा पुर्याएको छ। यो आयोजनाको लागत प्रतिमेगावाट १९ करोड ४० लाख रुपैयाँ छ ।
