नेपाल धितोपत्र बोर्डमा विभिन्न १४ कम्पनीको बोनस शेयर दर्ता भएको छ। फागुन २८ गतेदेखि चैत्र ४ गतेसम्मको अवधिमा १४ कम्पनीको बोनस शेयर धितोपत्र बोर्डमा दर्ता भएको हो । यो कम्पनीहरुको आर्थिक वर्ष २०८०/८१ को बोनस शेयर हो ।
धितोपत्र बोर्डमा बोनस शेयर दर्ता भएसंगै अब ति शेयरहरु नेपाल स्टक एक्सचेन्ज नेप्सेमा सूचीकरणको लागि बाटो खुलेको छ। अब केहि दिन भित्रै ति शेयर नेप्सेमा सूचीकृत हुने छन् । नेप्सेमा सूचीकृत भएपछि र लगानीकर्ताको डिम्याट खातामा आएपछि ति शेयर खरिद बिक्रीको लागि बाटो खुल्ने छ।
कुन कम्पनीको कति बोनस शेयर धितोपत्र बोर्डमा भयो दर्ता ?
१. सपोर्ट माइक्रोफाइनान्सको १३.७७५ प्रतिशतले हुन आउने १ लाख ४८ हजार २ सय ४५ दशमलव ०९ कित्ता बोनस शेयर
२. साना किसान लघुवित्तको १३.३० प्रतिशतले हुन आउने ५० लाख ६२ हजार ४ सय ७७ दशमलव १५२ कित्ता बोनस शेयर
३. कुथेली बुखारी स्मल हाइड्रोको १० प्रतिशतले हुन आउने १ लाख २१ हजार ८ सय ६७ दशमलव ५० कित्ता बोनस शेयर
४. नागरिक लगानी कोषको ७ प्रतिशतले हुन आउने ४२ लाख ४० हजार ३ सय ७२ कित्ता बोनस शेयर
५. चिलिमे हाइड्रोपावर कम्पनीको १० प्रतिशतले हुन आउने ७९ लाख ८३ हजार ९ सय ९७ दशमलव २० कित्ता बोनस शेयर
६. लक्ष्मी सनराइज बैंकको ५ प्रतिशतले हुन आउने १ करोड १५ लाख ९३ हजार ५ सय ७७ दशमलव २५ कित्ता बोनस शेयर
७. शाइन रेसुङ्गा डेभलपमेन्ट बैंकको ३ प्रतिशतले हुन आउने १४ लाख २० हजार १ सय ७ दशमलव २९ कित्ता बोनस शेयर
८. नेपाल एसबिआइ बैंकको ३.८० प्रतिशतले हुन आउने ३९ लाख ९० हजार ५७ दशमलव ८६७२ कित्ता बोनस शेयर
९. शांग्रिला डेभलपमेन्ट बैंकको ३.६५१६ प्रतिशतले हुन आउने १२ लाख ५२ हजार ८ सय ४४ दशमलव १७ कित्ता बोनस शेयर
१०. माउन्टेन इनर्जी नेपाल लिमिटेडको १५ प्रतिशतले हुन आउने ३३ लाख ९४ हजार ८ सय ४६ दशमलव ५८ कित्ता बोनस शेयर
११. सुपर माई हाइड्रोको ७ प्रतिशतले हुन आउने ३ लाख ५० हजार कित्ता बोनस शेयर
१२. सर्बोत्तम सिमेन्टको ७ प्रतिशतले हुन आउने ३२ लाख ५५ हजार कित्ता बोनस शेयर
१३. सूर्योदय वोमी लघुवित्तको ६ प्रतिशतले हुन आउने ६ लाख २६ हजार १ सय ९९ दशमलव ७९ कित्ता बोनस शेयर
१४. महालक्ष्मी विकास बैंकको ३ प्रतिशतले हुन आउने १२ लाख ५१ हजार ३ सय ९५ दशमलव ५८ कित्ता बोनस शेयर
