पाल्पा सिमेन्टले वैदेशिक रोजगारीमा रहेका नेपालीलाई निष्काशन गरेको आईपीओ आज दिउँसो बाँडफाँड हुँदै छ । बिक्री प्रबन्धक नबिल इन्भेष्टमेन्टले आज शुक्रबार दिउँसो शेयर बाँडफाँड गर्न लागेको हो ।
कम्पनीले श्रम स्वीकृति लिई वैदेसिक रोजगारीमा रहेका नेपालीलाई पुस २५ गतेदेखि पुस ३० गतेसम्म ५ लाख ६२ हजार ५ सय कित्ता शेयर निष्काशन गरेको थियो।
नेपाल धितोपत्र बोर्डले पुस ९ गते कम्पनीलाई आईपीओ निष्काशनको अनुमति दिएको थियो। कम्पनीले कुल ७५ करोड रुपैयाँको ७५ लाख कित्ता शेयर निष्काशन गर्ने छ।
यो कम्पनी सन् २००९ मा स्थापना भएको हो। कम्पनीको फ्याक्ट्री नवलपरासीमा रहेको छ। कम्पनीले तानसेन ब्राण्डमा पीपीसी, ओपीसी र पीएससी सिमेन्टको उत्पादन तथा बिक्री गरिरहेको छ। कम्पनीमा आरएमसी ग्रुपको लगानी छ।
यो पनि : पाल्पा सिमेन्ट: ४९ प्रतिशत सिमेन्ट भारत निर्यात, आईपीओको पैसाले बैंकको ऋण तिर्ने
