नेपाल धितोपत्र बोर्डले एक साथ दुई वटा खुलामुखी सामुहिक लगानी कोष योजना स्वीकृत गरेको छ। बोर्डले सिटिजन्स क्यापिटल र एनआईसी एशिया क्यापिटललाई खुलामुखी सामुहिक लगानी कोष योजनाको इकाई निष्काशन गर्न स्वीकृत प्रदान गरेको हो।
सिटिजन्स क्यापिटलले सिटिजन्स म्युचुअल फण्ड अन्तर्गत संचालन हुने सिटिजन्स सदाबाहर योजना संचालनको अनुमति पाएको हो । यस योजनाको आकार ५० करोड रहेको छ। बोर्डले असार २ गते यस योजना संचालनको लागि स्वीकृति प्रदान गरेको हो ।
त्यस्तै एनआईसी एशिया क्यापिटलले एनआईसी म्युचुअल फण्ड अन्तर्गत संचालन हुने एनआईसी एशिया इक्विटी लिंक्ड इन्भेष्टमेन्ट स्किम संचालन अनुमति पाएको हो । यस योजनाको आकार १ अर्ब रहेको छ। बोर्डले असार ३ गते यस योजना संचालनको लागि स्वीकृति प्रदान गरेको हो ।
अब यी दुवै योजनाले योजनाको इकाई बिक्रि गर्नको लागि आह्वानपत्र प्रकाशन गर्ने छन् ।
