थप दुई वटा कम्पनीले आईपीओ निष्काशनको लागि अनुमति माग गर्दै नेपाल धितोपत्र बोर्डमा आवेदन दिएका छन् । आवेदन माग गर्ने दुवै जलविद्युत कम्पनी हुन्।
आरती पावर कम्पनी र मेवा डेभलपर्सले आईपीओको लागि बोर्डमा आवेदन दिएका हुन् । आरती पावरले ३६ करोड बराबरको ३६ लाख कित्ता शेयर र मेवा डेभलपर्सले १ अर्ब १२ करोड बराबरको १ करोड १२ लाख लाख कित्ता शेयर निष्काशनको लागि अनुमति माग गरेको हो ।
आरती पावरले शेयर निष्काशनको लागि ग्लोबल आईएमई क्यापिटललाई बिक्री प्रबन्धक चयन गरेको छ भने मेवाको बिक्री प्रबन्धक हिमालयन क्यापिटल रहेको छ।
बोर्डबाट अनुमति पाएपछि यी कम्पनीले शेयर निष्काशन गर्ने छन् ।
