अर्बिट इनर्जी लिमिटेडले आईपीओ निष्काशन गर्नको लागि बिक्री प्रबन्धक चयन गरेको छ। कम्पनीले कुमारी क्यापिटललाई बिक्री प्रबन्धक चयन गरेको हो ।
उक्त सम्झौता—पत्रमा अर्बिट इनर्जी लिमिटेडका तर्फबाट महाप्रबन्धक सुदिप खड्का तथा कुमारी क्यापिटलका तर्फबाट प्रमुख कार्यकारी अधिकृत पुष्प शर्माले हस्ताक्षर गरेका छन् । कम्पनीले ५० करोड रुपैयाँ बराबरको ५० लाख कित्ता शेयर निष्काशन गर्न लागेको हो।
यस कम्पनीले संखुवासभामा २१.६ मेगावाटको सभाखोला बि जलविद्युत आयोजना र ६.३ मेगावाटको सभा खोला सी जलविद्युत आयोजना निर्माण गरिरहेको छ। कम्पनीका आयोजनाको ५५ प्रतिशत निर्माण सम्पन्न भईसकेको छ। आयोजनामा भारतको फ्लोवेल इनर्जी प्राईभेट लिमिटेड तथा इटालीको ट्रोएर एजी कम्पनीबाट निर्मित अत्याधुनिक इलेक्ट्रोमेकानिकल समाग्रीहरु जडान गरि अबको १ बर्ष भित्र आयोजना संचालनमा ल्याउने कम्पनीले उल्लेख गरेको छ ।
कम्पनीमा सिंगटी हाइड्रो इनर्जी लिमिटेडको पनि लगानी रहेको छ।
