बुढानिलकण्ठ हेरिटेज लिमिटेडले साधारणसभा आह्वान गरेको छ । कम्पनीले मङ्सिर १४ गते शुक्रबार साधारणसभा आह्वान गरेको हो ।
कम्पनीको सभामा आईपीओ तथा हकप्रद निष्काशन गर्ने सहितका विविध प्रस्ताव पेश हुने छन् । कम्पनीले आईपीओ निष्काशन अगावै हाल कायम लगानीकर्ताको लागि २९.५६ प्रतिशत हकप्रद निष्काशन गर्न लागेको हो।
कम्पनीले काठमाडौँको बुढानीलकण्ठमा पाँचतारे होटेल निर्माण गरेको छ । करिब १३ रोपनी क्षेत्रफलमा बनेको होटेल नौ तलाको रहेको छ।
होटलमा शिक्षाविद् डा. राजेन्द्र केसी, व्यवसायीहरू बाबुकाजी कार्की, हरिप्रसाद पाठक, जलेश्वर पाण्डे, सिए दीपक पाण्डेय, अम्बिकाप्रसाद पौडेल, सिए नवराज बुर्लाकोटी, जनकप्रसाद भट्ट तथा दीपेन्द्र श्रेष्ठलगायत विभिन्न क्षेत्रमा कार्यरत टिमको संयुक्त लगानी रहेको छ । होटेलको व्यवस्थापनमा भारतीय कम्पनी लेमन ट्रीलाई भित्र्याइएको छ।
यस्ता छन् कम्पनीको सभामा पेश हुने प्रस्ताव:
सामान्य प्रस्तावहरु
१. आ.व. २०८०/०८१ को सञ्चालक समितिको प्रतिवेदन उपर छलफल गरी पारित गर्ने ।
२. लेखापरीक्षकको प्रतिवेदन सहितको २०८१ आषाढ मसान्तको वासलात, सोही मितिमा समाप्त भएको आ.व.२०८०/०८१ को नाफा नोक्सान हिसाब, सोही अवधिको नगद प्रवाह विवरण लगायतका वित्तीय विवरणहरु सहित अनुसूचीहरु उपर छलफल गरी पारित गर्ने ।
३. कम्पनी ऐन, २०६३ को दफा १११ अनुसार आर्थिक वर्ष २०६१ / ०८२ को लेखापरीक्षण गर्न लेखापरीक्षण समितिको सिफारिस मुताबिक लेखापरीक्षक नियुक्ति गर्ने र निजको पारिश्रमिक तथा नियुक्तिका शर्तहरु तोक्ने ।
४. सञ्चालक समितिको तर्फबाट आ.व. २०६०।०६१ मा गरेका निणर्यहरु अनुमोदन गर्ने ।
बिशेष प्रस्तावहरु :
१. कम्पनीको अधिकृत पूंजी तथा जारी पूंजी बृद्धि गर्ने सम्बन्धमा ।
२. कम्पनीको प्रबन्धपत्रको दफा ६ को उपदफा (१), (२), (३), (४) र (५) र नियमावलीको नियम ५ संशोधन गर्ने सम्बन्धमा ।
३. हाल कायम रहेको चुक्ता पूंजी रु.८५ करोडको २९.५६ प्रतिशतका दरले हुन आउने हकप्रद शेयर साविकको शेयरधनिहरुलाई मात्र विक्री गर्ने सम्बन्धमा ।
४. धितोपत्रको प्रारम्भिक सार्वजनिक निष्काशन (IPO) गर्ने सम्बन्धमा ।
५. कम्पनीको प्रबन्धपत्र तथा नियमावली संशोधन गर्ने क्रममा नियमनकारी निकायबाट प्रबन्धपत्र तथा नियमावलीमा आवश्यक थपघट, परिवर्तन वा संशोधनको निर्देशन भएमा सोही बमोजिम थपघट, परिवर्तन वा संशोधन गर्नका लागि सञ्चालक समितिलाई अख्तियारी दिने सम्बन्धमा ।
