ब्रोकर नम्बर ८९ जेबिएनएल सेक्युरिटिजले साधारणसभा आह्वान गरेको छ। कम्पनीले असोज ११ गते नयाँ बानेश्वर स्थित आफ्नै कार्यालयमा साधारणसभा गर्न लागेको हो ।
कम्पनीको साधारणसभामा कम्पनीको नाम परिवर्तन गर्ने लगायतका प्रस्ताव पेश हुने छन् । कम्पनीले नाम परिवर्तन गरेर “ग्लोबल आइएमई सेक्यूरिटिज लिमिटेड” राख्ने तयारी गरेको छ।
यो कम्पनी साविकको जनता बैंकको सहायक कम्पनीको रुपमा स्थापना भएको थियो । पछि जनता बैंक ग्लोबल आईएमई बैंकमा मर्ज भएपछि यो कम्पनी ग्लोबल आईएमई बैंकको सहायक कम्पनी बनेको हो । अब कम्पनीको नाम पनि सोहि अनुसार परिवर्तन गर्न लागिएको हो ।
यस्ता छन् कम्पनीको साधारणसभामा पेश हुने प्रस्तावहरु :
१. आ.व. २०८०/८१ को सञ्चालक समितिको वार्षिक प्रतिवेदन उपर छलफल गरी पारित गर्ने ।
२. कम्पनीको लेखापरीक्षकको प्रतिवेदन सहित आ.व. २०८०/८१ को वासलात, नाफा नोक्सान हिसाब तथा नगद प्रवाह विवरण लगायतका वित्तीय विवरणहरू पारित गर्ने ।
३. चालु आ.व. २०८१/८२ को लागि लेखापरीक्षणको लागि लेखापरीक्षकको नियुक्ति गर्ने र निजको पारिश्रमिक निर्धारण गर्ने ।
४. नियामक निकायको स्वीकृति लिई कम्पनीको नाम परिवर्तन गरि “ग्लोबल आइएमई सेक्यूरिटिज लिमिटेड” राख्ने । यसको लागि कम्पनीको प्रबन्ध-पत्र र नियमावलीमा आवश्यक संशोधन गर्ने ।
५. सञ्चालक समितिको बैठक भत्ता तथा सेवा सुविधा अनुमोदन तथा पारित गर्ने ।
६. सञ्चालक समितिलाई अख्तियारी प्रत्यायोजन गर्ने निर्णय पारित गर्ने ।
