ब्रोकर नम्बर ९१ सिविआइएल सेक्युरिटिजले साधारणसभा आह्वान गरेको छ। कम्पनीले असोज ६ गते कुपन्डोल स्थित आफ्नै कार्यालयमा साधारणसभा आह्वान गरेको हो ।
कम्पनीको साधारणसभामा लाभांश सहितका विविध प्रस्ताव पेश हुने छन्। कम्पनीले हाल कायम चुक्ता पूँजीको ५.२६ प्रतिशतका दरले हुन आउने रकम रु.१,०५, २६,३१५.७९/- (अक्षरेपी एक करोड पाँच लाख छब्बीस हजार तीन सय पन्ध्र रुपैंया उनासी पैसा मात्र) नगद लाभांश (लाभांश कर समेत ) वितरण गर्न प्रस्ताव गरेको छ।
यो कम्पनी सिटिजन्स बैंकको शतप्रतिशत स्वामित्व भएको सहायक कम्पनी हो ।
यस्ता छन् कम्पनीको सभामा पेश हुने प्रस्तावहरु:
१. आ.व. २०८०/८१ को संचालक समितिको वार्षिक प्रतिवेदन छलफल गरि पारित गर्ने ।
२. लेखापरीक्षकको प्रतिवेदन सहित आषाढ मसान्तको कम्पनीको वासलात र मिति २०८०/०४/०१ देखि ०२०८१/०३/३१ सम्मको नाफा नोक्सानीको हिसाब तथा सोहि अवधिको नगद प्रवाह विवरण लगायतका सम्पुर्ण वित्तीय विवरण
छलफल गरी पारित गर्ने ।
३. संचालक समितिले प्रस्ताव गरे बमोजिम चुक्ता पूँजीको ५.२६ प्रतिशतका दरले हुन आउने रकम रु.१,०५, २६,३१५.७९/- (अक्षरेपी एक करोड पाँच लाख छब्बीस हजार तीन सय पन्ध्र रुपैंया उनासी पैसा मात्र) नगद लाभांश (लाभांश कर समेत ) वितरण गर्न स्वीकृत गर्ने ।
४. कम्पनी ऐन, २०६३ को दफा १११ अनुसार आ.व. २०८१/८२ को लागि लेखापरिक्षण समितिको सिफारिसमा लेखापरिक्षण गर्न लेखापरिक्षकको नियुक्ति गर्ने र निजको पारिश्रमिक निर्धारण गर्ने ।
५. यस कम्पनीको नियमावली अनुसार गरिएको संचालक नियुक्ति अनुमोदन गर्ने ।
विशेष प्रस्ताव
१. संचालक समितिले प्रस्ताव गरे बमोजिम संचालकहरुको बैठक भत्ता वृद्धि गर्ने ।
