ब्रोकर नम्बर ३६ सेक्युर्ड सेक्युरिटिजले साधारणसभा आह्वान गरेको छ। कम्पनीले भदौ २७ गते साधारणसभा आह्वान गरेको हो।
कम्पनीको सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०८१/८२ को मुनाफाबाट ३३.३३ प्रतिशत बोनस शेयर र कर प्रयोजनको लागि समेत १४.६७ प्रतिशत नगद लाभांश गरि कुल ४८ प्रतिशत लाभांश पस्ताव गरेको छ। कम्पनीको सभाले पारित गरेपछि उक्त लाभांश लगानीकर्तामा वितरण हुने छ।
त्यस्तै कम्पनीको सभामा उपयुक्त अन्य ब्रोकर कम्पनीसँग मर्जरमा जाने, र त्यसको लागि निर्णय गर्ने सम्पूर्ण अख्तियारी संचालक समितिलाई दिने प्रस्ताव पेश हुने छ।
यस्ता छन् कम्पनीको सभामा पेश हुने प्रस्तावहरु:
१.आ.व. २०८१/०८२ को संचालक समितिको वार्षिक प्रतिवेदन प्रस्तुत तथा अनुमोदन गर्ने ।
२. लेखा परिक्षकको प्रतिवेदन सहित २०८२ आषाढ मसान्तको वासलात, सोही मितिमा समाप्त आ.व. २०८१/८२ को नाफा नोक्सान हिसाव तथा नगद प्रवाह विवरणमा छलफल गरी पारित गर्ने ।
३. आ.व. २०८२ / ०८३ को लेखा परिक्षणका लागि के.शी. सापकोटा एण्ड एसोशियट्सलाई लेखापरिक्षकमा नियुक्त र निजको पारिश्रमिक निर्धारण गर्ने ।
४. संचालक समितिले प्रस्ताव गरे बमोजिम हाल कायम चुक्ता पुँजीको १४.६७ प्रतिशत नगद लाभांश (बोनस शेयरमा लाग्ने कर समेत ) वितरण गर्न स्वीकृति प्रदान गर्ने ।
५. विविध ।
विशेष प्रस्ताव
१. संचालक समितिले प्रस्ताव गरे बमोजिम हाल कायम चुक्ता पुँजीको ३३.३३ प्रतिशत बोनस शेयर वितरण गर्न स्वीकृति प्रदान गर्ने ।
२. प्रस्ताव नं. १ बमोजिम कम्पनीको साविक जारी र चुक्ता पुँजीमा हुने वृद्धि अनुसार प्रबन्धपत्र र नियमावलीमा आवश्यक संशोधन गर्ने र सोका लागि संचालक समितिलाई वा संचालक समितिले तोकेको पदाधिकारीलाई अख्तियारी प्रत्यायोजन गर्ने ।
३. कम्पनीले अन्य कुनै एक वा एकभन्दा बढी धितोपत्र दलाल व्यवसायी संस्थाहरूसँग एक आपसमा गाभ्ने/गाभिने (मर्जर) तथा प्राप्ति (एक्विजिसन) गर्ने सम्बन्धमा आवश्यकता अनुसार मर्जर प्राप्ति समिति गठन गर्ने, उपयुक्त धितोपत्र दलाल व्यवसायीसँग समझदारी (Memorandum of Understanding ) गर्ने, सम्पत्ति, दायित्व तथा कारोबारको मूल्याङ्कन ( Due Diligence Audit) गर्न मान्यता प्राप्त मूल्याङ्कनकर्ता नियुक्ती गर्ने गराउने, मूल्याङ्कनकर्ताको पारिश्रमिक तोक्ने, शेयर आदान प्रदान अनुपात ( Share Swap Ratio) निर्धारण गर्ने, गाभ्ने गाभिने (मर्जर) तथा प्राप्ति (एक्विजिसन) गर्न अन्तिम सम्झौता गर्ने लगायतका मर्जर तथा एक्विजिसनसँग सम्बन्धित आवश्यक सम्पूर्ण कार्य गर्न सञ्चालक समितिलाई अख्तियारी प्रदान गर्ने ।
