आइसिएफसि फाइनान्स लिमिटेडको एक्काइसौं वार्षिक साधारण सभा सम्पन्न भएको छ। आज पुस २९ गते सोमबार कम्पनीको साधारणसभा सम्पन्न भएको हो।
उक्त साधारण सभाबाट आर्थिक वर्ष २०८०/८१ को मुनाफाबाट चुक्ता पुँजीको ५.२६३२५ नगद लाभांश दिने प्रस्ताव सर्वसम्मतबाट पारित गरेको छ । वार्षिक साधारण सभाले आर्थिक वर्ष २०८१/८२ को लागि बाह्य लेखापरीक्षकमा एन.अमात्य एण्ड कं. चार्टर्ड एकाउन्टेन्टस् लाई नियुक्त गरेको छ।
सभाले संस्थापक समूहबाट संचालक समितिमा प्रतिनिधित्व गर्ने सञ्चालक पदमा सुशीलकुमार अर्याल, रचना अधिकारी र अच्युतराज आचार्यलाई आगामी चार वर्षको लागी निर्विरोध निर्वाचित गरेको छ।
चुक्तापुँजी रु.एक अर्ब अठार करोड चौतीस लाख रहेको यस फाइनान्सले हालसम्म आफ्नो २१ वटा शाखा कार्यालय मार्फत १ लाख भन्दा बढी ग्राहकलाई बैकिङ्ग सेवा दिदैं आएको छ। साथै, संस्थाले चालु आ.व.को असोज मसान्त सम्म रु. १८ अर्ब ६३ करोड निक्षेप संकलन र रु. १५ अर्ब ४३ करोड कर्जा प्रवाह गरिसकेको छ।
