कुमारी बैंकले साधारणसभा आह्वान गरेको छ। बैंकले माघ २१ गते सोमबार त्रिभुवन आर्मी अफिसर्स क्लबमा सभा बोलाएको हो ।
बैंकले साधारणसभा प्रयोजनको लागि माघ ११ गते बुकक्लोज गर्ने निर्णय गरेको छ। माघ १० गतेसम्म कायम शेयरधनीले मात्र सभामा भाग लिन सक्ने छन् । बैंकले लाभांश प्रस्ताव गरेको छैन ।
यस्ता छन् बैंकको साधारणसभामा पेश हुने प्रस्ताव :
१. सञ्चालक समितिको आ.व. २०८०/८१ वार्षिक प्रतिवेदन पारित गर्ने ।
२. लेखापरीक्षकको प्रतिवेदन सहितको आ.व.२०८०/०८१ को वार्षिक आर्थिक विवरण (२०८१ आषाढ मसान्तसम्मको वासलात, आ.व. २०८०/०८१ को नाफानोक्सान हिसाब र सोहि अवधिको नगद प्रवाह विवरण, नाफानोक्सान बाँडफाँड हिसाब, ईक्विटीमा भएको परिवर्तन लगायत वार्षिक आर्थिक विवरणसँग सम्बद्ध अनुसूचीहरु) पारित गर्ने ।
३. बैंकको सहायक कम्पनी कुमारी क्यापिटल लिमिटेड र के.बि.एल. सेक्यूरिटिज लि. को आ.व. २०८०/०८१ को वित्तीय विवरण सहितको एकिकृत वित्तीय विवरण पारित गर्ने ।
४. आ.व.२०८१/०८२ को लागि लेखापरीक्षक नियुक्ति गर्ने र निजको पारिश्रमिक तोक्ने ।
