साताको पहिलो दिन आज आइतबार शेयर बजार परिसूचक नेप्से घटेको छ । आज नेप्से सूचक ५.३७ अंकले घटेर २०६२.९४ को बिन्दुमा पुगेर रोकिएको छ ।
आज ३१७ कम्पनीको ९५ लाख ६१ हजार ७ सय २७ कित्ता शेयर खरिद बिक्रीबाट ४ अर्ब ३७ करोड ४५ लाख ९७ हजार ४ सय ५८ रुपैयाँ ६५ पैसाको कारोबार भएको छ । जस मध्ये पोखरा फाइनान्सको सर्वाधिक १७ करोड १३ लाख, नेपाल फाइनान्स १४ करोड ५८ लाख तथा रिलायन्स फाइनान्सको १३ करोड १६ लाखको कारोबार भएको छ ।
आज कारोबारमा आएका मध्ये रिलायन्स फाइनान्स, गणपति लाघुबित्त, साधना लघुवित्त , मैलुंग खोला जलविद्युत कम्पनी र नेपाल फाइनान्सको शेयर मुल्यमा सकारात्मक सर्किट लागेको छ । आज ग्लोबल आईएमई लघुवित्तको शेयर मूल्य सर्वाधिक ६.५८ प्रतिशत घटेको छ । त्यस्तै सनराइज ब्लु चिप फण्डको इकाई मूल्य ५.२४ प्रतिशत, कालिका लघुवित्तको शेयर मूल्य ५.१८ प्रतिशत तथा उपकार लघुवित्तको शेयर मुल्य ५.११ प्रतिशत घटेको छ ।
आज कारोबार मध्ये फाइनान्स समुह, अन्य समुह र ट्रेडिङ समुह बाहेकका सबै समुहगत सूचक घटेका छन् । जस मध्ये फाइनान्स समुह सर्वाधिक ५.४९ प्रतिशत बढेको छ । आज लघुवित्त समुह सर्वाधिक १.२३ प्रतिशत घटेको छ ।
