नेपाल लाइफ इन्स्योरेन्समा १ प्रतिशत भन्दा बढी शेयर हुने शेयरधनीको संख्या १२ रहेको छ। कम्पनीको आर्थिक वर्ष २०८१/८१ को विवरण अनुसार कम्पनीमा १ प्रतिशत भन्दा धेरै शेयर हुने सबै व्यक्तिगत शेयरधनी हुन् ।
यी मध्ये ५ जना शेयरधनीले भने आफ्नो स्वामित्व घटाएका छन् । कम्पनीको सबैभन्दा ठूलो शेयरधनीको रुपमा सुवाषचन्द्र संघाई रहेका छन् । कम्पनीना उनको ६.१८ प्रतिशत शेयर स्वामित्व अर्थात् ५० लाख ७६ हजार १ सय ५० कित्ता शेयर रहेको छ। अघिल्लो आर्थिक वर्षमा उनको शेयर स्वामित्व ६.२९ प्रतिशत स्वामित्व रहेको थियो । अर्थात् उनले आफ्नो स्वामित्व घटाएका हुन् ।
त्यस्तै कम्पनीमा गोबिन्दलाल संघाईको ५.३७ प्रतिशत, अनुज अग्रवालको ४.८६ प्रतिशत, तथा विशाल अग्रवालको ३.५० प्रतिशत शेयर स्वामित्व रहेको छ।
कम्पनीमा राम चन्द्र संघाईको ३.३९ प्रतिशत, पवन गोल्यानको ३ प्रतिशत, तथा पुरुषोत्तम लाल संघाईको २.९४ प्रतिशत शेयर स्वामित्व रहेको छ। यी तिनै लगानीकर्ताले अघिल्लो आर्थिक वर्षको तुलनामा शेयर स्वामित्व घटाएका छन् । सुशील संघाईले पनि कम्पनीमा आफ्नो स्वामित्व घटाएका छन् ।
हेर्नुस् कम्पनीका ठूला शेयरधनी र शेयर स्वामित्व
