नेपाल बीमा प्राधिकरणको सञ्चालकमा राधा कुमारी पोखरेल नियुक्त भएकी छिन्। अर्थ मन्त्रालयले अर्थमन्त्रीस्तरीय निर्णय गर्दै पोखरेललाई आज चैत १ गते देखि लागू हुने गरी आगामी चार वर्षका लागि महिला सञ्चालकमा नियुक्त गरेको हो ।
बीमा ऐन २०७९ मा प्राधिकरणमा एक जना महिला सञ्चालक हुनुपर्ने व्यवस्था रहेको छ । लामो समयसम्म प्राधिकरणमा महिला सञ्चालक नियुक्त भएको थिएन । अब भने प्राधिकरणले महिला सञ्चालक पाएको छ ।
पोखरेल विशाल बजार कम्पनीको सञ्चालक पनि छिन्। उनी नेपाल पुँजी बजार लगानीकर्ता संघकी अध्यक्ष पनि हुन् ।
