चालु आर्थिक वर्ष २०८३/०८४ को दुइ महिना (साउन र भदौ) मा नेपालले ३ खर्ब २४ अर्ब ब्यापार घाटा ब्यहोरेको छ । पछिल्लो २ महिनामा ४ खर्ब १ अर्ब ५१ करोड बराबरको वस्तु तथा सेवा आयात गरेको नेपालले यस अवधिमा जम्मा ७६ अर्ब ५८ करोड बराबरको मात्रै निर्यात गरेको छ । यस आधारमा ३ खर्ब २४ अर्ब ९३ करोड ब्यापार घाटा भएको छ ।
भन्सार विभागले सार्वजनिक गरेको साउन र भदौ महिनाको वैदेशिक ब्यापारको तथ्याङ्क अनुसार नेपालको ब्यापार घाटा गत वर्षको यो अवधिको तुलनामा २६.०२ प्रतिशतले बढेको छ । गत वर्षको पहिलो दुइ महिनामा नेपालको ब्यापार घाटा २ खर्ब ५७ अर्ब रहेको थियो ।
भन्सार विभागका अनुसार चालु आर्थिक वर्षको पहिलो दुइ महिनामा गत आर्थिक वर्षको पहिलो दुइ महिनाको तुलनामा आयात ३१.५८ प्रतिशतले र निर्यात ६१.८६ प्रतिशतले बढेको छ ।
गत आर्थिक वर्ष २०८२÷०८३ मा नेपालले १७ खर्ब ८१ अर्ब ब्यापार घाटा ब्यहोरेको थियो ।










