मोलुङ्ग हाइड्रोपावर कम्पनी लिमिटेडले एकसाथ दुई आर्थिक वर्षको साधारणसभा आह्वान गरेको छ । कम्पनीले असोज २८ गते आर्थिक वर्ष २०७९/८० र २०८०/८१ को साधारणसभा आह्वान गरेको हो ।
कम्पनीले साधारणसभा प्रयोजनको लागि असोज २ गते बुक क्लोज गर्ने निर्णय गरेको छ। असोज १ गतेसम्म कायम शेयरधनीले मात्र कम्पनीको सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु :
१. वार्षिक साधारण सभामा सञ्चालक समितिको तर्फबाट अध्यक्षले प्रस्तुत गर्ने वित्तीय विवरण सहितको आ.व. २०७९/०८० २०८०/०८१ को वार्षिक प्रतिवेदन छलफल गरी पारित गर्ने ।
२. आ.व. २०७९/०८० २०८०/०८१ को लेखापरीक्षण प्रतिवेदन र सोही आ.व. को वार्षिक वित्तीय विवरण अन्तर्गत वासलात, नाफा नोक्सान हिसाब, नगद प्रवाह विवरण, इक्वीटीमा भएको परिवर्तन र सोसँग सम्बन्धित सम्पूर्ण अनुसुचिहरू अनुमोदन गर्ने ।
३. कम्पनी ऐन, २०६३ को दफा ११३ बमोजिम कम्पनी रजिष्ट्रारको कार्यालयबाट Dev Associates, Chartered Accountants लाई आ.व. २०८०/०८१ को लागि लेखापरीक्षकमा नियुक्ति गरी निजको पारिश्रमिक तोकेको हुँदा सोलाई अनुमोदन गर्ने ।
४. आ.व. २०८१/०८२ को लेखापरीक्षण गर्न कम्पनी ऐन, २०६३ को दफा १११ बमोजिम लेखापरीक्षक नियुक्त गर्ने र निजको पारिश्रमिक तोक्ने ।
५. सञ्चालक समिति गठन गर्ने ।
विशेष प्रस्ताव
१. प्रबन्ध पत्रको दफा ६ को घ, ङ, च, छ संशोधन गर्ने ।
२. नियमावलीको नियम २७ को उपनियम ४ पछि ५ थप गर्ने ।
३. कम्पनीले उपयोग गरिरहेको कर्जा सुविधा कम व्याजदर भएको बैंक तथा वित्तीय संस्थासँग सम्झौता गरी कर्जा स्वाप (Loan Swap) गर्न सञ्चालक समितिलाई अख्तियारी प्रदान गर्ने । ।
४. संस्थापक समूहबाट ४ र सर्वसाधारण समूहबाट १ महिला सहित २ जना सञ्चालकको निर्वाचन गर्ने ।
