गएराति भोजपुरमा भारी वर्षापछि आएको बाढीले अपर ईर्खुवा खाेला जलविद्युत् आयोजनामा ठूलो क्षति पुर्याएको छ । आरती पावर कम्पनीले भाेजपुरकाे ईर्खुवा खाेलामा निर्माण गरिरहेको १४. ५ मेगावट क्षमताको अपर ईर्खुवा खाेला जलविद्युत् आयोजनामा बाढीले क्षति गरेको हो।
कम्पनीका अनुसार बाढीमा परेर निर्माण कार्यमा खटिएका श्याम चौधरी र रमेश चाैधरी वेपत्ता छन् भने राम कुमार चाैधरीलाई करिब १ किलोमिटर तल घाइते अवस्था फेला पारिएको छ। त्यस्तै १ जना स्थानीय महिला पनि वेपत्ता रहेको कम्पनीले जनाएको छ।
कम्पनीका अनुसार बाढीले लेवर क्याम्प, तथा आयोजनामा जडान गरिएको करिब ५ सय मिटर पाईप समेत बगाएको छ।
