बुटवल पावर कम्पनी लिमिटेडले १३९.२ मेगावाटको तल्लो मनाङ मर्स्याङ्दी जलविद्युत आयोजनाको लागि लगानी जुटाउन थप समय पाएको छ । विद्युत विकास विभागले आयोजनाको लागि लगानी जुटाउने म्याद एक वर्षको लागि थप गरिदिएको हो।
यस संगै अब कम्पनीले आयोजनाको लागि २०८२ कार्तिक १७ गतेसम्म वित्तीय व्यवस्थापन गरिसक्नु पर्ने हुन्छ । विभागले गत असार ९ गते कम्पनीलाई लगानी जुटाउने म्याद थपको अनुमति पत्र प्रदान गरेको हो ।
तल्लो मनाङ मस्याङ्दी जलविद्युत आयोजना क्यास्केड अर्धजलाशययुक्त (Cascade Peaking Run of River) आयोजना हो । आयोजनाको प्रबर्द्धक संस्था विद्युत बिक्रीकर्ता बुटवल पावर कम्पनी लिमिटेड हो । आयोजनाको जडित क्षमता १३९.२ मेगावाट रहेको छ । आयोजनाबाट७९० गिगावाट घण्टा उर्जा उत्पादन हुने छ ।
आयोजना मनाङ जिल्ला नासों गाउँपालिका साविक ताचैवगरछाप, थोंचे र धारापानी गाविसमा अवस्थित छ । आयोजनाको पीपीए भईसकेको छ ।
