९०० मेगावाटको अरुण-३ जलविद्युत आयोजनाको बिजुली उत्तर प्रदेशलाई बिक्री हुने भएको छ । यो आयोजना भारतीय कम्पनी एसजेभिएनले निर्माण गरिरहेको छ ।
हिजो मंगलबार एसजेभिएनले सो आयोजनाबाट उत्पादन हुने बिजुली उत्तर प्रदेश पावर कर्पोरेशन लिमिटेड (यूपीपीसीएल) लाई बिक्री गर्ने गरि विद्युत बिक्री सम्झौता गरेको हो। एसजेभिएनको नयाँ दिल्लीस्थित सम्पर्क कार्यालयमा अध्यक्ष तथा प्रबन्ध निर्देशक (अतिरिक्त प्रभार) भूपेन्द्र गुप्ता र परियोजना निर्देशक सुशील शर्माको उपस्थितिमा सम्पन्न भएहो हो।
यो अवसरमा भूपेन्द्र गुप्ताले यो सम्झौताले स्वच्छ ऊर्जा परिवर्तन र शहरी उपभोक्ताहरूका लागि विद्युत पूर्वाधार सुदृढीकरणमा एसजेभिएनको प्रतिबद्धतालाई मूर्त रूप दिने महत्वपूर्ण कदम भएको बताए।
९०० मेगावाटको अरुण-३ जलविद्युत आयोजना नेपालको संखुवासभा जिल्लामा एसजेभिएनको पूर्ण स्वामित्वमा रहेको सहायक कम्पनी एसजेभिएन अरुण-३ पावर डेभलपमेन्ट कम्पनी प्रा.लि. (एसएपीडीसी) मार्फत निर्माण भइरहेको छ। यो आयोजना आर्थिक वर्ष २०२७-२८ सम्ममा सम्पन्न हुने अपेक्षा गरिएको छ।
