स्वतन्त्र ऊर्जा उत्पादकहरुको संस्था, नेपाल (इप्पान)ले वन तथा वातावरण मन्त्रालयका नवनियुक्त सचिव डा. राजेन्द्र प्रसाद मिश्रसँग भेट गरेको छ। इप्पानको तर्फबाट वरिष्ठ उपाध्यक्ष मोहनकुमार डाँगीको नेतृत्वमा गएको प्रतिनिधि मण्डलले सचिव डा. मिश्रलाई भेटेर बधाई तथा शुभकामना व्यक्त गरेको हो ।
त्यस क्रममा वन मन्त्रालयले समयमै निर्णय नगर्दा जलविद्युत आयोजना निर्माणमा भइरहेका कठिनाइहरुबारे इप्पानले सचिव डा. मिश्रलाई अवगत गराएको थियो । सचिव डा. मिश्रले कानुनले दिएको अधिकारलाई अधिकतम प्रयोग गरेर सहज रुपमा जलविद्युत लगायतका ऊर्जा आयोजनाको विकास द्रुत गतिमा हुने वातावरण बनाउने प्रतिवद्दता व्यक्त गरेका छन्।
उत्तः भेटमा इप्पानको तर्फबाट वरिष्ठ उपाध्यक्ष मोहनकुमार डाँगी, महासचिव बलराम खतिवडा, सचिवद्वय विक्रम बिष्ट र भरत नेपाल, कार्यसमिति सदस्य शंकर बश्याल, सल्लाहकार पूर्णलाल श्रेष्ठ र प्रमुख कार्यकारी अधिकृत भीम गौतम लगायत सहभागी थिए।
