“हरित ऊर्जा उद्यमी नेपाल (GrEEN)” ले ऊर्जा तथा जलविद्युत् कम्पनीहरूको प्राथमिक सेयर (आइपिओ) र हकप्रद सेयर निष्काशनको लागि कमिशन माग गरिएको विषयबारे आफ्नो ध्यानाकर्षण भएको जनाएको छ। ग्रीनले नेपाल धितोपत्र बोर्डको पछिल्लो काम कारबाही पारदर्शी र नतिजामुखी नदेखिएको तथा बिचौलियाको हवाला दिँदै कमिसन मागिएको विषयबारे आफ्नो ध्यानाकर्षण भएको जनाएको हो।
ग्रीनले नियामकीय निकाय र प्रवद्र्धकबीचको द्वन्द्व दुर्भाग्यपूर्ण भएको भन्दै धितोपत्र बोर्डलाई बिचौलियालाई प्रसय नदिई सेवाग्राहीलाई समयमै सेवा प्रदान गर्न आग्रह गरेको छ। साथै, बोर्डलाई विद्यमान ऐन नियमभित्र रही नतिजामुखी काम गर्न र पुँजी बजारको उत्थानमा ध्यान दिन अनुरोध गरेको छ।
ग्रीनले बिचौलियाको गतिविधि निरुत्साहित गर्नुपर्ने र द्वन्द्व समाधानका लागि नियमित कार्य अगाडि बढाउनुपर्नेमा जोड दिएको छ। ग्रीनले ऊर्जा तथा जलविद्युत् कम्पनीहरूको प्राथमिक सेयर (आइपिओ) र हकप्रद सेयर निष्काशन झन्डै दुई वर्षदेखि रोकिएको विषयमा चिन्ता व्यक्त गरेको छ। यो अवस्थाले आयोजना प्रवद्र्धक, सर्वसाधारण लगानीकर्ता र यस क्षेत्रका सरोकारवालालाई प्रभावित पारेको ग्रीनले जनाएको छ।
यस्तो छ ग्रीनको विज्ञप्ति :
