नेपाल विद्युत् प्राधिकरणका प्रबन्ध निर्देशक हितेन्द्रदेव शाक्यले आइतबार प्राधिकरणको श्वेतपत्र सार्वजनिक गर्ने भएका छन् । संस्थाले गरिरहेको विद्युत उत्पादनको अवस्था, प्रशारण र वितरणको अवस्थासहित वित्तीय अवस्थासमेत समेटेर शाक्यले आइतबार श्वेतपत्र जारी गर्न लागेका हुन् ।
प्राधिकरणको वास्तविक अवस्था देखाउन र आगामी दिनमा गरिने योजना समेटेर श्वेतपत्र सार्वजनिक गर्ने कार्यकारी निर्देशक शाक्यले जानकारी दिए । उनले श्वेतपत्र ल्याउने पूर्व तयारीको काम शनिबारसम्म सकिने पनि बताए ।
केही दिन अघि बिजनेश पानासँगको अन्तरर्वार्ताका क्रममा आफूले श्वेतपत्रमार्फत ऊर्जा सन्तुलनको अवस्था, अबको एक दुइ वर्षमा ऊर्जाको माग के कस्तो हुने देखिँदैछ, र त्यसका लागि प्रशारणलाइन लगायतका प्राविधिक कुराहरुमा हामी अहिले कहाँ छौँ र थप के गर्नुपर्छ भन्ने विषय समावेश गर्ने बताएका थिए ।
शाक्य प्राधिकरणमा प्रबन्ध निर्देशक भएपछि श्वेतपत्र ल्याउने घोषणा गरेका थिए ।
