भक्तपुरको मध्यपुर थिमीमा रहेको स्वस्तिक कलेजमा दुई जना विद्यार्थीले पूर्ण छात्रवृत्ति पाउने भएका छन् । इसेवाले आफ्नो संस्थागत सामाजिक उत्तरदायित्व अन्तर्गत स्वस्तिक कलेजमा बीसीए र बीएससी सीएसआईटी पढ्न भर्ना हुने मध्ये २ जनालाई पूर्ण छात्रवृत्ति उपलब्ध गराउने भएको हो ।
कलेजका अनुसार बीसीएमा एक जना र बीएससी सीएसआईटीमा एक जनाले पूर्ण छात्रवृत्ति पाउने छन् । आवेदकको मक टेस्ट, अन्तर्वार्ता र यस अघिको शैक्षिक प्रगतिपछि पूर्ण छात्रवृत्ति पाउने विद्यार्थी छनौट हुने कलेजले जनाएको छ।
इसेवाको माउ कम्पनी एफवान सफ्टले सन् २०१९ देखि स्वस्तिक कलेजसँग साझेदारी गर्दै आएको छ । जस अनुसार एफवान सफ्टले कलेजमा सबै सेमेष्टरमा प्रोफेसनल आइटी ट्रेनिङ दिइरहेको छ भने हरेक सेमेष्टरमा विद्यार्थीलाई इन्ट्रनसिप गराएर दक्ष बनाइ एफवान सफ्ट ग्रुपमा रोजगारीको अवसर प्रदान गर्ने गरेको छ । आइटीसँग सम्बन्धित पढाइ हुने स्वस्तिक कलेजबाट उत्पादन हुने विद्यार्थीले एफवान सफ्ट तथा इसेवालगायतका भगिनी संस्थामा रोजगारी प्राप्त गर्ने गरेका छन्।
स्वस्तिक कलेज त्रिभुवन विश्वविद्यालयबाट सम्बन्धतप्राप्त रहेको छ।
