संस्थागत विद्यालय संघ नेपाल (इसान)को अध्यक्षमा साधना खतिवडा चयन भएकी छिन् । संघको छैठौँ राष्ट्रिय महाधिवेशनले सर्वसम्मत रुपमा खतिवडाको अध्यक्षतामा २१ सदस्यीय नयाँ कार्यसमिति चयन गरेको हो ।
संघको वरिष्ठ उपाध्यक्षमा कुमार अधिकारी, प्रथम उपाध्यक्षमा गणेशप्रसाद खतिवडा र द्वितीय उपाध्यक्षमा सुवर्णप्रकाश पुलामी मगर पनि सर्वसम्मत रुपमा चयन भएका छन् । यस्तै, महासचिवमा प्रकाश नगरकोटी सर्वसम्मत चयन हुँदा उपमहासचिवमा कमल क्षेत्री चौहान, सचिवमा थानेश्वर भुषाल, सह–सचिवमा महेश के.सी., कोषाध्यक्षमा गुरुप्रसाद लुईंटेल र सह–कोषाध्यक्षमा जयराम सापकोटा निर्विरोध रुपमा चयन भएका छन् ।
संघको सदस्यहरुमा सविना दाहाल, शान्ता फुयाँल सापकोटा, राजन पौडेल, मरिचमान लिम्बु, भोलानाथ शर्मा र दीपा गौतम चुनिएका छन् । यस्तै, धर्मेन्द्र सिंह चौधरी, सन्तोष राजभण्डारी, कृष्ण भण्डारी, देबेन्द्र श्रेष्ठ र किशोर टमटा पनि सदस्यमा निर्विरोध चुनिएका छन् ।
संघको विधान अनुसार २३ सदस्यीय कार्यसमिति हुने प्रावधान भएपनि अधिवेशनमा पदाधिकारीसहित २१ सदस्यीय समिति घोषणा भएको छ । बाँकी २ सदस्य भने नव निर्वाचित कार्यसमितिले मानोनित गर्नेछ ।
