कोरियामा निर्मित हुण्डाइ कम्पनीको ‘हाइड्रोजन कार’को नेपालमा सार्वजनिक गरिएको छ । काठमाडौँ विश्वविद्यालयले नेपालमा पहिलोपटक ल्याएको ‘हाइड्रोजन कार’ र रिफ्युलिङ प्रणालीको प्रधानमन्त्री केपी शर्मा ओलीले आज शुभारम्भ गरेका हुन् ।
विश्वविद्यालयको २९ औँ दीक्षान्तअघि सो ‘हाइड्रोजन कार’ र रिफ्युलिङ प्रणालीको शुभारम्भ गरिएको हो ।
कोरियामा बनेको हुण्डाइ कम्पनीको हाइड्रोजन कार विश्वविद्यालयले नेपाल आयल निगमको सहयोगमा ३३ हजार अमेरिकी डलरमा खरिद गरेर नेपाल ल्याएको थियो ।
प्रधामन्त्री ओलीले हाइड्रोजनको प्रयोगबाट कार्बन उत्सर्जन कमी भई प्रदूषण नियन्त्रणमा सहयोग पुग्ने बताएका छन् ।
