एलएस अटोको नेपालका लागि आधिकारिक बिक्रेता नेक्सन भेन्चर प्रा.लि.ले साउन २१ बाट २५ गतेसम्म आयोजना हुने नाइमा मोबिलिटी एक्स्पोमा २ नयाँ मोडल ल्याउने भएको छ । कम्पनीले मोबिलिटी एक्स्पो र नाडा अटो शो दूबैतिर सहभागीता जनाउने छ । त्यस क्रममा कम्पनीले २ नयाँ मोडल देखाउने भएको हो ।
कम्पनीले उक्त शोमा एलईभी–०५ र एलईभी–०एक्स सार्वजनिक गर्न लागेको कम्पनीका जीएम नविल फुयाँलले जानकारी दिए ।
प्रिमियम ह्याचब्याक मोडल एलईभी–०५ को लम्बाइ ४ हजार २०० एमएम, चौडाई १ हजार ७७० एमएम र उचाइ १ हजार ६१० एमएम छ । यसको ग्राउण्ड क्लियरेन्स १७५ एमएम रहेको बताइएको छ ।
५० किलोवाटको फ्रन्ट ह्वील ड्राइभ मोटरमा नेपाल आउन लागेको यस कारमा ५६ किलोवाट अवारको एलएफपी ब्याट्री रहने जनाइएको छ । एक पटकको फुल चार्जमा ४ सय किलोमिटर रेन्ज दिने दाबी गरिएको छ ।
सँगै आउन लागेको अर्को मोडल एलईभी–०एक्समा भने हाल कम्पनीले बेचिरहेको एलईभी–०१ को तुलनामा केही विशेषता थपिने छन् । यसमा ७७ किलोवाट आवरको ब्याट्रीप्याक रहने छ ।
