आगामी आर्थिक वर्ष २०८१/०८२ का लागि मंगलबार अपरान्ह एक बजे हुने भनिएको बजेट भाषण तीन बजेका लागि सारिएको छ ।
सरकारको अनुरोधमा संयुक्त सदनको बैठक दुई घण्टापछि दिउँसो तीन बजेका लागि सारिएको हो । संसदमा प्रस्तुत गर्न लागिएको बजेट पारितका लागि बिहान ११ बजे बोलाइएको मन्त्रिपरिषद् बैठक सर्दा बजेट भाषण पनि सरेको हो ।
त्यसपछि अपरान्ह १ बजे बस्ने मन्त्रिपरिषद्को बैठकले बजेट पारित गर्नेछ । आगामी आर्थिक वर्ष २०८१/८२ को वार्षिक बजेट आज संसद्मा पेस हुँदैछ । नेपाल सरकारका अर्थमन्त्री बर्षमान पुनले आगामी आर्थिक वर्षको राजस्व र व्ययको वार्षिक अनुमान (बजेट) संघीय संसद्का दुवै सदनको संयुक्त बैठकमा पेस गर्नेछन् ।
बजेट संसदमा प्रस्तुत गर्नुअघि मन्त्रिपरिषदबाट स्वीकृत गर्नुपर्ने संवैधानिक व्यवस्था छ।राजस्व र व्ययको अनुमान प्रत्येक जेठ महिनाको १५ गते संघीय संसद्मा पेस गर्नुपर्ने संवैधानिक व्यवस्था छ ।
सरकारले आगामी आवका लागि करिब १९ खर्ब रुपैयाँको बजेट ल्याउँदैछ। यो बजेट मुलुकको ७३ औं वार्षिक बजेट पनि हो ।
