मातृभूमि लघुवित्तको प्रमुख कार्यकारी अधिकृतमा लक्ष्मी प्रसाद शर्मा नियुक्त भएका छन् । लघुवित्तको भदौ २ गते बसेको संचालक समितिको बैठकले शर्मालाई ४ वर्षको लागि सीइओ नियुक्त गर्ने निर्णय गरेको हो ।
कम्पनीको अनुसार उनको कार्यकाल आज भदौ ५ गतेदेखि लागु हुने छ। नवनियुक्त सीईओ शर्माले ग्रामिण विकासमा स्नातकोत्तर हासिल गरेका छन् ।
शर्माको बैंक तथा वित्तीय संस्थामा झन्डै २० वर्षको कार्यानुभव रहेको छ । निर्धन उत्थान बैंकबाट शाखा प्रमुखको रुपमा कार्य शुरु गरेका शर्मासँग मिर्मिरे लघुवित्त, सनराईज बैंक, एनआईसी एसिया बैंकमा विभिन्न विभागमा काम गरेको अनुभव छ । उनी एनआईसी एसिया लघुवित्तमा स्थापनाकालदेखि सीईओ थिए भने आरम्भ चौतारी लघुवित्तको पनि सीईओ भैसकेका छन् ।
साविकको किसान लघुवित्त र जाल्पा सामुदायिक लघुवित्त मर्ज भएर मातृभूमि लघुवित्त बनेको हो ।
