समृद्धि फाइनान्सको इटहरी शाखाले मनायो वार्षिकोत्सव 

समृद्धि फाइनान्स कम्पनीको इटहरी शाखा कार्यालयले आफ्नो दोस्रो वार्षिकोत्सव कार्यक्रम सम्पन्न गरेको छ।
कार्यक्रममा शाखाका शाखा प्रबन्धक रमेश राईले समृद्धि फाइनान्समा गरेको विश्वास र साथको लागि धन्यवाद दिनुका साथै आगामी दिनहरुमा पनि फाइनान्सले उच्च साथ सहयोगको अपेक्षा राखेको बताए l

फाइनान्सले स्थानीय व्यापारीहरु, वचतकर्ताहरु, आदिको उपस्थितिमा सम्पन्न कार्यक्रम गरेको हो । कार्यक्रममा इटहरी उपमहानगरपालिका वार्ड ६ का वार्ड अध्यक्ष दिवस पोखरेलले संस्थाको उत्तर उत्तर प्रगतिको कामना गर्दै कार्यक्रममा आफ्नो विचार व्यक्त गर्दै फाइनान्सको प्रगतिको लागि शुभकामना व्यक्त गरेका थिए ।

समृद्धि फाइनान्सले हाल तेह्र वटा शाखाहरु मार्फत नगद कारोवार, आर.टि.जि.एस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ्ग सेवा प्रदान गर्दै आएको छ भने मोवाइल बैंकिङ्ग, डेबीट कार्ड, क्यू.आर कोड आदि डिजिटल सुविधाहरु निशूल्क प्रदान गरिरहेको छ ।