ग्लोबल आइएमई बैंकमा ०.५ प्रतिशत भन्दा धेरै शेयर स्वामित्व हुने शेयरधनीको संख्या १८ रहेको छ। बैंकको २०८१ असार मसान्तसम्मको विवरण अनुसार व्यक्तिगत र संस्थागत गरि बैंकमा ०.५ प्रतिशत भन्दा धेरै शेयर स्वामित्व हुने शेयरधनीको संख्या १८ रहेको हो।
जस अनुसार बैंकको सबैभन्दा ठूलो शेयरधनी कर्मचारी संचय कोष हो । बैंकमा कोषको ४.७४ प्रतिशत स्वामित्व अर्थात १ करोड ७१ लाख ४१ हजार २ सय ५१ कित्ता शेयर रहेको छ। त्यस्तै बैंकमा आइएमई होल्डिङ्स प्रालिको २.७८ प्रतिशत तथा आइएमई इन्भेष्टमेन्ट प्रालिको २.५१ प्रतिशत शेयर स्वामित्व रहेको छ।
बैंकमा सुमित कुमार अग्रवाल र विष्णु प्रसाद न्यौपानेको क्रमश १.८२ प्रतिशत र १.४१ प्रतिशत शेयर स्वामित्व रहेको छ। गत वर्ष बैंकमा १.२४ प्रतिशत शेयर स्वामित्व रहेको मङ्गल कलेश इन्भेष्टमेन्ट प्रालि भने बैंकबाट बाहिरिएको छ। त्यस्तै गत वर्ष ०.६३ प्रतिशत शेयर स्वामित्व रहेका डम्बर मल्ल पनि बैंकबाट बाहिरिएका छन् । ०.५७ प्रतिशत शेयर स्वामित्व सहित बैंकको ठूला शेयरधनीमा गौरी श्रेष्ठको प्रवेश भएको छ।
हेर्नुस् बैंकमा ०.५ प्रतिशत वा सो भन्दा बढी शेयर स्वामित्व भएको व्यक्ति/समूह/फर्म/कम्पनीको विवरण
