ग्लोबल आइएमई बैंकले वैदेशिक भाषा परीक्षाको शुल्क अनलाइनबाट तिर्दा ५० प्रतिशत छुट दिने भएको छ । बैंकले विभिन्न शुल्कहरुको अनलाइन भुक्तानी गर्दा लाग्ने सेवा शुल्कमा ५० प्रतिशत छुट प्रदान गर्ने योजना ल्याएहो हो ।
बैंकले नेपाली विद्यार्थीहरुले अन्तर्राष्ट्रिय विश्वविद्यालयको शैक्षिक शुल्क, बीमा शुल्कलगायत विभिन्न भाषा परीक्षा आई.ई.एल.टी.एस., पी.टी.ई., ए.सी.सी.ए.लगायतको शुल्क अनलाइनमार्फत भुक्तानी गर्दा लाग्ने सेवा शुल्कमा ५० प्रतिशत छुट दिने भएको हो । यो छुट योजना अगस्ट ३१ सम्म लागू हुने बैंकले जनाएको छ ।
अन्तर्राष्ट्रिय अनलाइन भुक्तानी सेवामा सेवाग्राहीले भुक्तानीको लागि आवश्यक पर्ने कागजजात पुरा गरेपछि बैंकले रकम भुक्तानीको लागि लाग्ने सेवा शुल्कमा ५० प्रतिशत छुट दिनेछ ।
