राष्ट्रिय वाणिज्य बैंकको उप कार्यकारी अधिकृतमा राम कुमार थापा बढुवा भएका छन् । राष्ट्रिय वाणिज्य बैंकको साउन ३ गतेको सञ्चालक समितिको बैठकले मुख्य प्रबन्धक राम कुमार थापालाई बैंकको रिक्त रहेको तह ११ को उप कार्यकारी अधिकृत पदमा बढुवा गरेको हो।
थापा २०५४ सालमा शाखा अधिकृत ( तह ७) को रुपमा तत्कालिन एनआइडिसी डेभलपमेन्ट बैंक (हाल राष्ट्रिय वाणिज्य बैंकमा गाभिएको) मा सेवा प्रवेश गरेका थिए। थापाले व्यवस्थापन विषयमा एमफिल उत्तीर्ण गरेका छन् ।
